क्षितिज म्हणुनि राहती....

क्षितिज म्हणुनि राहती....

बोलली काहीच नाही, देऊन मजला पाकळी
जाणीवांची वंचना तव ओंजळींनी झाकली..

प्रत्येकदा स्वप्नात आली स्तब्धता तव आडुनि;
मैफलीतून अन् मनांच्या कोण गेले गाऊनि...

आजही माझ्या उशाशी कालचा तो मोगरा;
हुंदक्यांचा प्रहर आणि गंधला तेव्हा खरा...

विखुरल्या लाटांस शोधी भावनांची गलबते ही;
क्षिजित म्हणुनि राहती...माझिया गझलेतही..!

- संतोष देशपांडे, मांडवेकर